Ish-kryenegociatorja e Kosovës në bisedimet me Serbinë, Edita Tahiri, deklaroi se marrëveshja në Bruksel e ka Asociacionin e komunave me shumicë serbe, derisa kryeministrin Albin Kurti e quajti dyfytyrësh.
Ajo pyeti në Facebook të martën se pse nuk janë përfshirë shqiptarët e Luginës së Preshevës, ndërsa tha se presidenti i Serbisë, Aleksandar Vuçiq, e ka njohur kryeministrin Kurti, por jo Kosovën.
“Asociacion për serbët po, me dy duart, po shqiptarët e Luginës së Preshevës ku mbetën? Kjo është fytyra dyfytyrëshe e Albin Kurtit”, shkroi Tahiri, derisa në një postim paraprak, tha se ajo që dihet është që Vuçiqi e ka njohur Kurtin, por jo shtetin e Kosovës.
“Pas një përfundimi në Bruksel pa nënshkrime dhe deklarata kundërthënëse të të dyja palëve”.
LEXO EDHE: Bislimi: Asociacioni si institucion joqeveritar, jo qeverisje ekzekutive
Më 1 shkurt të 2023-s, ish-negociatorja e Kosovës pati thënë se Kurti nuk po merret aspak me Asociacionin, pasi sipas saj, këtë e ka shndërruar në kauzë.
-
Vuçiq: E qartë se Kurti nuk dëshiron marrëveshje për Asociacionin
-
Edita Tahiri: Asociacioni është punë e Kurtit
-
Kurti: Nuk pranoj që Asociacioni të vendoset në qendër të raporteve Kosovë - Serbi
-
Tahiri: Kurti e ka pranuar Asociacionin, s’po e themelon për shkak të zgjedhjeve
-
Vuçiq: Asociacioni s’formohet sa të jetë Kurti në pushtet