Dhomat e Specializuara të Kosovës në Hagë i kanë thënë Radios Evropa e Lirë se nuk janë konsultuar në lidhje me përpjekjet në Kosovë për ta ndryshuar ligjin që themeloi këtë institucion.
Nisma për ta ndryshuar Ligjin për Dhomat e Specializuara të Kosovës në Hagë, ndryshe e njohur si Gjykata Speciale, është duke u shqyrtuar nga zyra ligjore e kryeministrit Albin Kurti.
Kjo gjykatë e cila më 16 shtator dënoi katër ish-krerë të UÇK-së për krime lufte, mbështetet nga Bashkimi Evropian.
Ky dënim shkaktoi kundërshtime politike dhe protesta qytetare në Kosovë.
Ndryshimi i ligjit është iniciativë e Partisë Demokratike të Kosovës (PDK), subjektit më të madh opozitar.
Për të kaluar në Kuvend ajo duhet ta marrë pëlqimin e Qeverisë dhe t’i kalojë komisionet parlamentare.
Edhe
Kurti zotohet që brenda javës të jepet përgjigje për ndryshimet në Ligjin për Specialen
“Nuk jemi konsultuar”, u tha shkurt në një përgjigje të Gjykatës Speciale për REL-in, ku u shtua se ata “nuk komentojnë mbi iniciativat politike”.
Në dokumentin e ndryshimeve të propozuara, kërkohet ndër të tjera, që dënimet më të larta që mund të shqiptohen të jenë 15 vjet burgim dhe që të dënuarit të mund të jenë subjekt i faljes presidenciale. /REL
-
Kurti: Asnjëherë s’kam pritur drejtësi nga Specialja, këtë javë i përgjigjemi iniciativës së PDK-së
-
PDK-ja kërkon më shumë patriotizëm nga zyrtarët e qeverisë
-
Bajraktari thotë se ndryshimi i Ligjit për Specialen është i mundur
-
Ligji për Specialen: Pas aktgjykimit në Hagë, PDK-ja paralajmëron veprime ligjore