Shqiptari i akuzuar për krime lufte në Izbicë deklarohet i pafajshëm

I akuzuari Muhamet Alidemaj është deklaruar i pafajshëm për akuzën për krime lufte kundër popullsisë civile në fshatin Izbicë.

“Po i kam kuptuar. Nuk kam çka me sqaru. I pafajshëm jam për të gjitha pikat e aktakuzës. 100% jo por 1000%”, ka thënë ai.

Mbrojtësi i të pandehurit, Muhamet Alidemajt, Vaslije Arsic, e mbështeti deklarimin e tij.

Alidemaj akuzohet se gjatë vitit 1999 bashkë me pjesëtarë të tjerë të forcave policore dhe ushtarake serbe, me dhunë i ndanë gratë dhe fëmijët dhe dhunshëm i detyrojnë që të shkojnë në drejtim të Shqipërisë, ndërsa burrat e mbetur i ekzekutojnë me armë automatike duke i vrarë 130 persona.