Tirana zyrtare po i jep “ dorën e fundit” përgatitjeve për samitin e Brdo-Brijunit. Bisedimet konkrete në kuadër të kësaj nisme do të mbahen paraditen e të enjtes.
Bulevardi kryesor i kryeqytetit është mbushur me simbolika lidhur me samitin dhe vendet pjesëmarrëse, ndërsa policia e shtetit ka hartuar një plan masash për sigurinë. Ne kohen e mbërritjes se krerëve te shteteve lëvizja vetëvendosje proteston kundër presidentit serb Aleksandër Vuçiq dhe kreut të serbëve të Bosnjës, Millorad Dodik.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoSipas burimeve avioni i Vuçiqit mbërrin në aeroportin e Rinasit rreth orës 20:00 të së mërkurës dhe uniformat blu kanë parashikuar shoqërimin e tij dhe të gjithë liderëve të tjerë të Ballkanit Perëndimor, nën masa të rrepta sigurie ku do të ketë bllokim të përkohshëm të disa akseve rrugore.
Edhe garda e republikës është angazhuar me plan masash për të siguruar mjediset ku do të mbahet samiti i cili organizohet me ftesë të presidentit Ilir Meta.
Krahas liderëve të Ballkanit Perëndimor në Tiranë do të jetë e pranishme të enjten, edhe shefja e politikës së jashtme të Bashkimit Europian, Federica Mogherini e cila ndodhet ne Tirane.
Për lëvizjen vetëvendosje në Tiranë Vuçiq dhe Dodik janë persona ‘non grata’, ndërsa në samit të pranishëm do të jenë edhe presidentja e Republikës së Kroacisë, Kolinda Grabar- Kitaroviq dhe presidenti i Republikës së Sllovenisë, Borut Pahor.