Kryetari i Prishtinës, Përparim Rama, njoftoi se hapësirat publike do të jenë nën vëzhgimin e kamerave, pas finalizimit të marrëveshjes me Policinë e Kosovës.
Rama shkroi në Facebook të enjten se ka qenë në bashkëpunim me autoritetet policore për hartimin e marrëveshjes për vendosjen e sistemit të kamerave dhe mirëmbajtjen e rrjetit të tyre.
“Tash e sa kohë jemi në bashkëpunim të ngushtë me Policinë e Kosovës për hartimin e marrëveshjes për vendosjen e sistemit të kamerave dhe mënyrën e mirëmbajtjes së rrjetit të kamerave në hapësirat publike të Kryeqytetit, marrëveshje e cila u nënshkrua sot. Bashkë me Policinë e Kosovës u zotuam se do të koordinojmë aktivitete të përbashkëta për përmirësimin e sigurisë në hapësirat publike të kryeqytetit”, shkroi Rama.
Kreut të Prishtinës iu kërkua të ndërmerrej një veprim i tillë pas rastit të dhunimit së një 11-vjeçareje në parkun e lagjes Arbëria në kryeqytet.
-
Kamerat e sigurisë me inteligjencë të lartë artificiale së shpejti vendosen në Prishtinë
-
Rama: Organet e rendit të jenë më të pranishme në hapësirat publike
-
Rama: Kemi nisur lirimin e banesave komunale që janë shfrytëzuar në mënyrë të paligjshme
-
Gjysma e shkollave në Prishtinë kanë probleme me sigurinë
-
Rama: Askush mbi ligjin