Kryetari i Listës Serbe, Goran Rakiq, ka deklaruar sot se interesimi i serbëve për vizitën e paralajmëruar të presidentit serb Aleksandër Vuçiq në Kosovë është shumë i madh dhe se me dëshirë të madhe presin fjalimin e tij.
Ai tha për Tanjug se interesimi për këtë vizitë është më i madhi deri më tash, transmeton KosovaPress.
“Qindra qytetarë çdo ditë na kontaktojnë me dëshirën që të dinë për detajet e vizitës dhe me përgjegjësi pohoj kjo do të jetë pritja më e madhe për presidentin e Serbisë që nga viti 1989 në Gazimestan", tha Rakiq.
I pyetur se çfarë presin nga vizita e Vuçiqit, ai tha se serbët presin mbështetje dhe inkurajim nga presidenti i tyre, të cilit i kanë dhënë besimin e tyre.
“Në zgjedhjet për president, sikurse e dini, mbi 80 për qind e votave mori Vuçiqi dhe për këtë përsëris se ne nuk kemi shtet tjetër përveç Serbisë”, tha kreu i Listës Serbe.
-
Sipas Gjuriqit, populli serb i Kosovës me padurim pret vizitën e Vuçiqit
-
Vuçiqi thotë se Lista Serbe arriti “fitore të rëndësishme për Serbinë” në zgjedhjet në Kosovë
-
Vuçiqi thotë se pret presion të madh ndaj Serbisë për Kosovën në muajt e ardhshëm
-
Lista Serbe paralajmëron protesta nëpër institucionet e Kosovës
-
Rakiqi falënderon Vuçiqin për marrëveshjen