Qeveria e Kosovës ka shqyrtuar dhe miratuar vendimin përfundimtar për shpronësim për interes publik të pronave të paluajtshme, për zgjerimin e mihjes sipërfaqësore për eksploatim te thëngjillit për nevoja të prodhimit të energjisë elektrike, në mbledhjen e mbajtur të enjten.
“Bazuar në Ligjin për shpronësimin e pronës së paluajtshme, Ministria e Mjedisit, Planifikimit Hapësinor dhe Infrastrukturës (MMPHI), pas plotësimit në tërësi të procedurave ligjore dhe në përputhje me urgjencën, ka propozuar vendimin përfundimtar për shpronësimin për interes publik të pronave dhe zotëruesve të interesit, të cilat preken nga zgjerimi i mihjes sipërfaqësore për nevoja të Korporatës Energjetike të Kosovës”, thuhet në një njoftim të zyrës së kryeministrit.
Pronat që preken nga ky vendim janë në zonat kadastrale të Hades, Shipitullës, Palajt, Leshkoshiqit dhe Sibovcit në Komunën e Obiliqit.
-
Qeveria vendos për shpronësim të disa pronave për nevoja të KEK-ut
-
Tri vendime të reja të Qeverisë në detyrë
-
Merret vendimi për shpronësim të pronave në Leposaviq e Zubin-Potok, reagon Beogradi
-
Qeveria miraton tri vendime për shpronësim të pronave për interes publik
-
Qeveria merr tjetër vendim për shpronësime në veri