Kryeministri i Kosovës, Ramush Haradinaj përmes një postimi në Facebook ka premtuar përkrahjen e Qeverisë pas vërshimeve në Suharekë.
Të reshurat e mëdha mbrëmë kanë shkaktuar vërshime të mëdha në Suharekë, transmeton Koha.net.
Ky është postimi i plotë i Haradinajt në Facebook:
Me shqetësim kemi marrë lajmin për vërshimet në Suharekë.
Si Kryeministër i vendit, menjëherë kam kërkuar nga FSK dhe Ministria e Punëve të Brendshme, mobilizim dhe që të ndërmarrin të gjitha masat dhe veprimet e nevojshme për t’u dalë në ndihmë banorëve të kësaj ane.
Edhe
Qeveria ndan mbi një milion euro për Suharekën
Po ashtu, jam në kontakt të vazhdueshëm me kryetarin e kësaj komune, Bali Muharremaj dhe po e përcjellim me vëmendje situatën e krijuar në Suharekë.
Si qeveri e vendit do të bëjmë maksimumin që të parandalojmë rrezikimin e jetëve të qytetarëve tanë dhe t’u dalim në ndihmë banorëve që kanë pësuar nga kjo fatkeqësi natyrore.
