Ndërmarrja Publike Lokale Prishtina Parking ka njoftuar se nga 28 gushti do të ndryshohet orari i parkingjeve në Zonën 1, e njohur si Qendra e Qytetit.
Kjo kompani ka njoftuar të dielën në Facebook se konform Rregullores për Organizimin dhe Shfrytëzimin e Parkingjeve të Komunës së Prishtinës, nga ora 07:00 deri në 23:00, nga e hëna deri të shtunën parkingu do të mund të shfrytëzohet me pagesë. Deri më tani, orari i parkingut me pagesë ka qenë deri në orën 19:00.
“Konform Rregullores për Organizimin dhe Shfrytëzimin e Parkingjeve të Komunës së Prishtinës nga data 28.08.2023 do të ndryshohet orari i parkingjeve (parkingje komerciale dhe rezidenciale) në Zonën 1 (Qendra e Qytetit), duke filluar nga ora 7:00 deri në ora 23:00, nga e hëna deri të shtunën”, thuhet në njoftim.
Në Zonën 1, parkingu për një orë kushton 1 euro.
-
Inspektorati shqipton gjoba për parkingje, opozita bën thirrje të mos paguhen
-
Rama: Nga e mërkura rikthehen pagesat për parkingje në Prishtinë
-
Zgjatet orari i punës për disa shërbime komunale në Prishtinë
-
Hyrja në parkingun nëntokësor do të kushtojë 1 euro, komuna nuk di gjë
-
Hyn në fuqi rregullorja e re e “Prishtina Parking”