Megjithëse gjatë vitit janë të planifikuara takimet publike të drejtuesve të Komunës me qytetarë, për të dëgjuar nevojat dhe propozimet e tyre, kryetari i Komunës së Klinës, Zenun Elezaj, ka futur në agjendën e tij rritjen e komunikimit me të shpeshtë me qytetarët e kësaj komune, duke i vizituar të gjitha lagjet e qytetit dhe fshatrat, me qëllim që të ndihmojnë në hartimin e buxhetit të Komunës për vitin e ardhshëm.
Këto takime më të shpeshta me qytetarët, Elezaj planifikon t’i zhvillojë tre muajt e ardhshëm. “Duam të dalim me vizita në terren, pasi kemi filluar t’i hartojmë projektet kapitale për vitin e ardhshëm. Por edhe për këtë vit do ta diskutojmë formën e implementimit të projekteve që i kemi për 2018 dhe do të shohim nevojat për investimet për vitin 2019”, thotë ai për KD-në, duke treguar se këto takime do t’i zhvillojë kryesisht me përfaqësues të fshatit dhe me aktivistë që përfaqësojnë interesat e fshatit, pa dallim.
Për vitin vijues projektet që janë planifikuar vitin e kaluar, sipas kreut të Komunës, nuk do të preken apo hiqen nga listat, por, siç shton ai, do ta respektojnë buxhetin ashtu si është planifikuar për sivjet nga pushteti i mandatit të kaluar.
(Artikullin e plotë mund ta lexoni në numrin e sotëm të Kohës Ditore)
Gazetën Koha Ditore mund ta lexoni edhe online. Këtu mund të gjeni sqarimin se si mund të abonoheni.