Akuzat e degës së PDK-së ndaj qeverisjes së Vetëvendosjes në Prishtinë janë shtuar, sidomos pas zgjedhjeve parlamentare të 11 qershorit.
Zyrtarët e këtij subjekti kanë akuzuar drejtuesit e Komunës së Prishtinës për punësime, siç kanë thënë, të militantëve të Vetëvendosjes, raporton KTV.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoBujar Cakolli nga ky subjekt, ka thënë se punësimi i 486 militantëve i ka kushtuar buxhetit rreth 2.3 milionë euro.
Por, këtyre akuzave të PDK-së, u është përgjigjur kreu i Prishtinës, Shpend Ahmeti. Ai i ka quajtur shpifje dhe për këtë ka thënë se do të bëjnë padi ndaj tyre javën e ardhshme.
“Vetëvendosje është subjekti më i madh në Kosovë, me 32 deputetë, dhe ka dalë e para në 10 komuna. PDK-ja, Veseli dhe Thaçi duhet ta kuptojnë që me rrena e shpifje nuk mund ta ndërrojnë rezultatin. Këto shpifje po i bëjnë përmes njerëzve të panjohur, që të mbrohen nga paditë. Por, kësaj radhe paditë do të jenë edhe për PDK-në, edhe për zyrtarin e partisë”, ka thënë Ahmeti.
Sekretari i degës së PDK-së në Prishtinë, Cakolli, ka akuzuar Dardan Molliqajn edhe si udhëheqës të sulmit në ndërtesën e Kuvendit të Kosovës. Ai e ka quajtur Molliqajn kriminel, paramilitar dhe udhëheqës të bandës.
Ndërsa, Dardan Molliqaj, në një reagim në “Facebook”, akuzat e PDK-së i ka quajtur shpifje, pasi, sipas tij, zyrtarët e PDK-së tashmë e kanë kuptuar se do të mbesin në opozitë.
“Ata duhet ta kuptojnë që opozita nuk bëhet me shpifje. Ata duhet ta kuptojnë që kriminelët e tyre nuk do të mund t’i ikin drejtësisë nën qeverisjen e Vetëvendosjes. Me shpifje ata po e shfaqin panikun e tyre. Ndërsa, neve po na forcojnë bindjen që jemi në rrugë të drejtë”.
PDK-ja në vazhdimësi ka kritikuar qeverisjen e Shpend Ahmetit në kryeqytet.