Policia e Kosovës, përkatësisht Drejtoria për Hetimin e Trafikimit me Qenie Njerëzore, ka bërë përmbylljen e aktiviteteve vetëdijesuese, në kuadër të muajit kundër trafikimit me qenie njerëzore, me aktivitetin që është mbajtur më 13 nëntor 2018 në Prizren, bëhet e ditur përmes një komunikate për media.
Takime të njëjta janë mbajtur në: Prishtinë, Mitrovicë, Zveçan, Gjakovë, Ferizaj dhe Gjilan. Numri i pjesëmarrësve në të gjitha këto takime ka qenë mbi 1100 nxënës dhe studentë. Këto aktivitete janë zhvilluar në bashkëpunim me ICITAP-in amerikan, OSBE-në dhe komunat, transmeton Koha.net.
Qëllimi i aktiviteteve ishte që të bëhet informimi mbi rreziqet nga trafikimi me njerëz dhe pjesëmarrja aktive e të gjithëve në parandalim dhe luftim të kësaj dukurie.
“Porosia e takimeve ishte: Bashkëpuno me Policinë e Kosovës në parandalim dhe luftim të trafikimit me qenie njerëzore”, thuhet në komunikatë.
Policia thotë se rastet mund t’i referoni në kontaktet: 192 ose 0800 11 112 dhe [email protected].
-
Në shkollat e Prishtinës do të mbahet fushata “Ndal Trafikimin me Qenie Njerëzore"
-
Policia vazhdon aktivitetet vetëdijesuese kundër trafikimit me qenie njerëzore
-
Aksioni për trafikim: 15 të arrestuar, mbyllen 10 qendra masazhi e nëntë lokale të muzikës live
-
Arrestohet një i dyshuar për trafikim me njerëz
-
Arrestohen 12 persona për “trafikim me njerëz” e “prostitucion”