Ministri në detyrë i Bujqësisë, Faton Peci, është duke u intervistuar nga organet e hetuesisë, pas aksionit të Policisë të mbajtur të martën për çështjen e tenderit për funksionalizimin e objekteve për përpunimin e produkteve shtazore.
Intervistimin e tij e ka konfirmuar zëdhënësja e Prokurorisë Speciale, Arbnora Luta.
Gjatë ditës, Prokuroria konfirmoi bastisje në katër lokacione.
Po intervistohet edhe kryeshefi i Agjencisë së Ushqimit dhe Veterinarisë, Bekim Hoxha. Këtë e ka konfirmuar për KOHËN avokati i tij Artan Çerkini.
