Partia Demokratike e Kosovës ka thënë se solidarizohet me kërkesat e studentëve shqiptarë në Maqedoninë e Veriut, të cilët kanë protestuar sot për të drejtën e përdorimit të gjuhës shqipe në proceset arsimore dhe profesionale, përkatësisht për provimin e jurisprudencës.
Në një komunikatë për media, PDK-ja ka vlerësuar se e drejta për arsimim dhe vlerësim në gjuhën amtare është e garantuar me kornizën ligjore dhe kushtetuese të Maqedonisë së Veriut, si dhe me standardet ndërkombëtare për të drejtat e njeriut.
Sipas tyre, cenimi i kësaj të drejte përbën shkelje të parimeve të barazisë, si dhe është goditje ndaj dinjitetit njerëzor dhe identitetit kombëtar shqiptar.
“Partia Demokratike e Kosovës u bën thirrje institucioneve përgjegjëse atje që t’i trajtojnë me seriozitet kërkesat e studentëve shqiptarë dhe të ndërmarrin hapat e nevojshëm për zbatimin e plotë të të drejtave të garantuara me ligj. PDK mbetet e përkushtuar në mbrojtjen dhe avancimin e të drejtave të shqiptarëve kudo që ata jetojnë”, thuhet në reagimin e kësaj partie.
Studentët shqiptarë në Maqedoni të Veriut protestojnë për të kërkuar të drejtën e ushtrimit të gjuhës shqipe
-
OVL-UÇK përkrah protestën në Shkup: Mbrojtje e një të drejte të panegociueshme
-
Hoxha për protestën e studentëve në Shkup: Çështje që kërkon trajtim të përgjegjshëm
-
Bebe Rexha mbështet studentët shqiptarë në Maqedoninë e Veriut: Meritojnë të drejta të barabarta
-
Protestojnë sërish studentët shqiptarë në Maqedoninë e Veriut
-
Neziri: Protesta shkon përtej aspektit administrativ, prek politikën dhe barazinë gjuhësore