Pas intervistimit të ministres në detyrë, Rozeta Hajdarit, edhe Irfan Lipovica, ish-sekretar më Ministrinë e Industrisë, Ndërmarrësisë dhe Tregtisë, është paraqitur sërish në Prokurorinë Speciale për intervistim.
Ai ishte paraqitur në Prokurori edhe para dy ditësh, porse intervistimi qe shtyrë për sot.
“Prokuroria Speciale e Republikës së Kosovës ju njofton se z.Irfan Lipovica është ftuar në cilësinë e të pandehurit, në kuadër të hetimeve lidhur me rastin ‘Rezervat shtetërore’, mirëpo i njëjti e ka shfrytëzuar të drejtën ligjore për të mos u deklaruar. Për veprimet e tjera lidhur me rastin, publiku do të njoftohet me kohë”, ka theksuar në një përgjigje për KOHËN, zëdhënësja e Prokurorisë Nora Luta.
Lipovica është një nga tre të dyshuarit në rastin e rezervave shtetërore, së bashku me afaristin Ridvan Muharremi dhe zyrtarin Hafiz Gara.
