Janë dashur 10 vjet që ish-sekretari i Ministrisë së Shëndetësisë, Ilir Tolaj, të dalë i buzëqeshur nga një seancë gjyqësore, raporton KTV.
Nga njëri prej gjykimeve ku akuzohej për keqpërdorim të detyrës zyrtare, Tolaj u lirua si i pafajshëm, bashkë me ish-zyrtarët e Ministrisë Zenel Kuçi, Bekim Fusha, Valentina Haxhiaj, Florije Tahiri dhe Remzije Thaqi.
Tolaj tha se është tentuar të eliminohet nga skena, e një gjë të tillë ai ua atribuoi kompanive farmaceutike dhe rrethit të tyre.
Në anën tjetër, avokati i tij, Besnik Berisha, nuk kurseu kritikat për prokurorinë e shtetit.
Prokuroria në këtë rast, që lidhej me asgjësimin e barnave me afat të skaduar, akuzonte ish-zyrtarët e ministrisë, mes tjerash, për dëmtim të buxhetit në një rast prej mbi 200 mijë euro dhe i kishin mundësuar përfitime mbi 400 mijë euro kompanisë “KMI”. Rasti ishte i shënjestruar për liberalizim të vizave.
-
Ilir Tolaj dhe të tjerët shpallen të pafajshëm në mungesë provash
-
Ish-Sekretari i MSH-së, Ilir Tolaj, shpallet i pafajshëm
-
Parashkrimi ia kthen Ministrisë së Shëndetësisë ish të akuzuarit për korrupsion
-
Ish-sekretari i MSH-së kërkon të kthehet në pozitë
-
Apeli çon në burg Tolajn dhe pesë zyrtarë të tjerë për rastin e asgjësimit të barnave pa afat