Gjatë javës së ardhshme në Kosovë moti pritet të jetë relativisht i ngrohtë. Temperaturat minimale parashihen të lëvizin mes minus 2 gradë celsius dhe 3 gradë, ndërsa maksimalet parashihet të arrijnë deri në 14 gradë.
“Kjo situatë meteorologjike është rezultat i ndikimit të disa qendrave të presionit të ulët, të cilat kanë përfshirë disa rajone të Evropës. Gjatë pesë ditëve të ardhshme, moti do të jetë kryesisht i vranët, me intervale të herëpashershme me diell, të cilat do të ndikojnë në rritjen e temperaturave gjatë mesditës. Përveç kësaj, në periudha të kufizuara, parashihen edhe riga lokale shiu”, ka njoftuar Instituti Hidrometeorologjik i Kosovës (IHMK).
Të hënën moti do të jetë kryesisht i vranët dhe vende-vende me riga shiu. Temperaturat maksimale do të arrijnë deri 6 gradë celsius.
Të martën parashihet mot me diell e vranësira të shpërndara. Ndërsa temperaturat minimale do të sillen mes minus 2 gradë celsius dhe zero gradë, ndërsa maksimalet mes 7-11 gradë celsius.
“Era do të jetë e lehtë deri mesatare nga drejtimi i jugperëndimit”, ka njoftuar IHMK.
Të mërkurën do të jetë moti me vranësira e intervale me diell. Ndërsa temperatura maksimale do të arrijë deri në 12 gradë celsius.
Edhe
Temperatura pranverore edhe gjatë javës së ardhshme në Kosovë
Të enjten moti do të jetë kryesisht i vranët dhe vende-vende me mundësi shiu. Temperaturat minimale do të sillen mes 0-3 gradë celsius e maksimalet mes 9-13 gradë.
Të premten moti do të jetë i vranët dhe me intervale të shkurtra me diell.
“Vranësirat vende-vende mund të sjellin riga të dobëta shiu. Temperaturat minimale do të lëvizin nga 0°C deri në 3°C, ndërsa maksimalet nga -9°C deri në 14°C. Era do të fryjë e lehtë nga veriperëndimi me shpejtësi 1-4 m/s”, ka bërë të ditur IHMK.
