Pacolli demanton Daçiqin për tërheqjen e njohjes nga Burundi

Ministri i Jashtëm serb, Ivica Daçiq, gjatë ditës së sotme ka deklaruar se shteti i Burundit ka tërhequr njohjen e Kosovës si shtet i pavarur.

Por, ministri i Jashtëm i Kosovës, Behgjet Pacaolli, ka ofruar fakte se Burundi nuk e ka tërhequr njohjen.

“Daçiqi, sot kishte pretenduar se Burundi e ka tërhequr njohjen e Kosovës. Në shtesë linku i vendimit të Burundit në GJND… http://www.icj-cij.org/files/case-related/141/17908.pdf”, ka shkruar Pacolli në Facebook.

Daçiq, gjatë ditës së sotme ka deklaruar se Burundi ka tërhequr njohjen e Kosovës si shtet i pavarur.

“Këto ditë në Prishtinë shënojnë dhjetëvjetorin e shpalljes së njëanshme të pavarësisë së Kosovës. Unë dua të jap një kontribut. E kam sjell notën nga Ministria e Punëve të Jashtme të Burundit, me të cilën tërhiqet njohja e Kosovës”, tha Daçiq.