Presidentja e Republikës së Kosovës, Vjosa Osmani, ka takuar presidentin e Etiopisë, Taye Atske Selassie, gjatë Samitit Botëror të Qeverisjes në Emiratet e Bashkuara Arabe.
Osmani ka vlerësuar se potenciali për bashkëpunim mes të dyja vendeve është i madh.
“Potenciali i bashkëpunimit midis dy vendeve tona është i madh e në dobi të popujve tanë paqedashës, prandaj shpresojmë që ky bashkëpunim do të rritet e thellohet në të ardhmen e afërt”, ka thënë ajo, njoftoi Zyra e Presidentes.
Etiopia nuk e njeh Kosovën si shtet.
Katër shtete e kanë njohur Kosovën në vitin 2025. Bahamas ishte i fundit që e njohu pas Sirisë, Sudanit dhe Kenias. Këto katër njohje erdhën pas një rënieje të ritmit të njohjeve të Kosovës në vitet e fundit. Para vitit 2025, ishte Izraeli më 2021 që e pati njohur Kosovën shtet.
Edhe
Katër njohje brenda një viti për Kosovën
Kosova shpalli pavarësinë më 17 shkurt të vitit 2008 dhe, sipas të dhënave të Ministrisë së Punëve të Jashtme dhe Diasporës së Kosovës, vendin e kanë njohur deri më tash 121 shtete.
