Presidentja e Kosovës, Vjosa Osmani, ka deklaruar se me lidershipin amerikan bota është më e sigurt dhe e fuqishme, teksa ka thënë se Kosova është krah SHBA-së në avancimin e paqes edhe në rajonin tonë.
Osmani ka reaguar pas arritjes së marrëveshjes së paqes në mes të Azerbajxhanit dhe Armenisë, marrëveshje që i jep fund konfliktit prej gati katër dekadash mes tyre.
“Marrëveshja historike mes Azerbajxhanit dhe Armenisë është testament se çfarë mund të arrijë lidershipi i fuqishëm amerikan. E përgëzojmë presidentin amerikan, Donald Trump, dhe administratën e tij që bënë historinë edhe një herë, si dhe presidentin e Azerbajxhanit dhe Armenisë. Nën udhëheqjen e SHBA-së, bota është më e sigurt, më e fuqishme dhe më e begatë. Kosova është krenare që qëndron krah për krah me SHBA-në në avancimin e paqes në rajonin tonë dhe botë”, ka shkruar Osmani në X.
Marrëveshja u nënshkrua të premten në Shtëpinë e Bardhë dhe parasheh edhe krijimin e një korridori të madh tranziti që do të quhet “Rruga Trump për Paqe dhe Prosperitet Ndërkombëtar”.
-
Osmani flet për mbështetje nga administrata Trump 2: Kjo duhej t’i pengonte vetëm Serbisë
-
Osmani: SHBA-ja mobilizoi botën për të na ndihmuar, nga OKB-ja dëgjonim vetëm fjalë
-
Osmani për marrëveshjen Izrael-Hamas: Trumpi tregoi lidership të vërtetë
-
Osmani: Do të angazhohem me administratën Trump për ta ruajtur dhe mbrojtur aleancën tonë
-
Trumpi e vlerëson rolin e Kosovës në përfundimin e luftërave