Presidentja e Kosovës, Vjosa Osmani, ka marrë vendim që ta kthejë në Kuvend Ligjin për Këshillin e Sigurisë së Republikës së Kosovës.
Në arsyetimin e Osmanit thuhet se ndryshimet në këtë ligj, gjatë gjendjes së jashtëzakonshme mbeten krejtësisht të parregulluara, duke rrezikuar drejtpërdrejtë sigurinë kombëtare të Kosovës.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj Kontribuo“Ligji i miratuar nga Kuvendi ka fshirë të gjitha dispozitat e ligjit paraprak, respektivisht Kreun II, me të cilin rregullohet mandati, funksionimi, kompetencat dhe përbërja e Këshillit në gjendje të jashtëzakonshme. Si rrjedhojë e kësaj dhe në mungesë të një ligji tjetër në fuqi i cili do të rregullonte këtë fushë, funksionimi i Këshillit të Sigurisë gjatë gjendjes së jashtëzakonshme mbetet krejtësisht i pa rregulluar, duke rrezikuar kështu drejtpërdrejtë sigurinë kombëtare të shtetit tonë. Prandaj, shpallja e Ligjit për Këshillin e Sigurisë së Republikës së Kosovës do të krijonte zbrazëti ligjore në rregullimin e funksionimit të Këshillit të Sigurisë në gjendje të jashtëzakonshme, pikërisht në një situatë kur funksionimi i mirëfilltë e i bazuar në ligj është i rëndësisë jetike”, thuhet në vendim.
Gjithashtu, Osmani ka thënë se Ligji bie në kundërshtim me nenet 125 dhe 127 të Kushtetutës, duke përmendur obligimin e institucioneve të Kosovës për mbrojtjen e sigurisë kombëtare, sigurisë publike, të drejtave e lirive të qytetarëve dhe bashkërendimin e punës së Këshillit "që është tejet i rëndësishëm, në veçanti në situata të gjendjes së jashtëzakonshme".
“Në këtë drejtim, mospërfshirja e dispozitave që rregullojnë funksionimin e Këshillit gjatë gjendjes së jashtëzakonshme krijon një vakum juridik i cili ua pamundëson institucioneve të Republikës së Kosovës që janë pjesë e Këshillit për mbrojtjen e sigurisë kombëtare, sigurisë publike dhe të drejtave të qytetarëve të saj në situatat kur shpallet gjendje e jashtëzakonshme”, thuhet tutje.
Dokumentin e plotë e gjeni këtu