Grupi “Love and Dance Prishtina” në Facebook ka paralajmëruar protestë të shtunën në mbështetje të profesorit Lulzim Paci, që u bë viral me videot e tij duke vallëzuar të clat i kishte postuar në “Tik Tok”.
Motoja e protestës është “Vallëzojmë kundër bullizmit #meprofën”.
Protesta është paralajmëruar në ora 12:00 të shtunën në sheshin “Zahir Pajaziti” në Prishtinë dhe në sheshin “Adem Jashari” në Vushtrri në ora 14:00.
Profesori Lulzim Paci në “Emisionin SOT” në KTV ka thënë se për shkak të reagimeve që kishte nga qytetarë e fytyra publike, i tha vëllait të tij që nëse e pyesin se çfarë e ka të thotë se e ka kushëri. Paci më pas filloi të qante.
Ndër personat që kishte kritikuar vallëzimin e Pacit ishte deputetja e Vetëvendosjes, Fjolla Ujkani.
Ujkani sot ka kërkuar falje publike.
https://www.facebook.com/events/1160560288020058/?ref=newsfeed
