ORCA kërkon suspendimin e profesorit të UP-së, akuzat ndaj tij ai i quan shpifje

Përfaqësues të Organizata për Rritjen e Cilësisë në Arsim (ORCA) dhe disa studentë të Universitetit të Prishtinës kanë kërkuar suspendimin e profesorit të Fakultetit të Mjekësisë, Milaim Sejdini, me pretendimin se ai dyshohet për shkelje të rënda disiplinore.

Me moton “Profesori ngacmon, Senati avancon”, protestuesit kanë kërkuar që Senati i Universitetit të Prishtinës të mos e avancojë profesor Sejdinin në gradën e profesorit të rregullt.

Sipas tyre, Sejdini ngarkohet me veprën falsifikim, plagjiaturë dhe ngacmim seksual të një specializanteje.

Policia e Kosovës i ka thënë gazetës se ndaj profesorit nuk ka kallëzim penal për shkeljet e pretenduara nga protestuesit.

Edhe Gjykata Themelore, nëpërmjet një certifikate të datës 22 tetor të këtij viti, ka konfirmuar se ndaj Sejdinit nuk është duke u zhvilluar procedurë penale.

Studenti i Universitetit të Prishtinës, Blendon Arifi, në protestën para Rektoratit ka thënë se kërkesë e tyre është suspendimi i profesorit Sejdini dhe fillimi i një hetimi të thellë ndaj dyshimeve të ngritura kundër tij.

Profesori Sejdini e ka mohuar se ai ka ngacmuar seksualisht këtë specializante. Madje, sipas tij, për shkak se specializantja kishte rënë disa herë nga kollekfiumet, ai ishte sulmuar në zyrën e tij nga bashkëshorti i specializantes.

Edhe Arbëri 8 nën 2018 Me protestë para Rektoratit të UP-së kërkohet suspendimi i profesorit të mjekësisë

Prokuroria konfirmon se Sejdini nuk është i akuzuar, por viktimë

Në një vërtetim të prokurorit të shtetit, Shenaj Berisha, të datës 8 nëntor, theksohet se Prokuroria ka pranuar kallëzim penal nga Stacioni policor Jugu në Prishtinë, ku i pandehur është F.D. për veprën penale sulm, ndërsa i dëmtuar është Milaim Sejdini./Edona Kutleshi

(Artikullin e plotë mund ta lexoni në numrin e sotëm të Kohës Ditore)