Partitë politike opozitare në Kuvendin e Kosovës konsiderojnë se mungesa e shumicës parlamentare dhe e legjitimitetit për të udhëhequr me institucione, po pamundëson funksionimin normal të Kuvendit të Kosovës.
Deputetët e partive opozitare theksojnë se Kuvendi për më gjatë se dy muaj është duke funksionuar vetëm me seanca të jashtëzakonshme, të cilat është duke i thirrur opozita.
Avdullah Hoti, shef i Grupit Parlamentar të Lidhjes Demokratike të Kosovës, tha për Radion Evropa e Lirë se LDK-ja, si parti opozitare, do t’i vazhdojë veprimet në Kuvend për të pamundësuar drejtimin e institucioneve nga partitë politike, dhe siç tha ai, njerëzit pa legjitimitet që drejtojnë me institucionet.
Ai tha se me këtë formë të qeverisjes çdo ditë e më shumë po dëmtohen proceset vitale të vendin.
Albulena Haxhiu, deputete nga Lëvizja Vetëvendosje, në një bisedë për Radion Evropa e Lirë thotë se Kuvendi i Kosovës ka kohë që nuk është funksional, dhe se sipas saj, në rrethana të tilla qeverisja aktual duhet të japë dorëheqje.
Edhe
Haxhiu: LVV-ja ndoshta e ndërron propozimin për kryeparlamentar
Ajo tha se Vetëvendosje, nuk do të braktisë punimet e seancave, por nuk do të shërbejë për krijimin e kuorumit.
-
Kurti: Opozita me dëm për shtetin e Kosovës po e pamundëson kuorumin për votimin e fshehtë
-
Haxhiu kërkon “reflektimin e opozitës” për konstituimin e Kuvendit
-
KDI: Presidentja të marrë iniciativë, seancat e Kuvendit po bëhen të pakuptimta pa marrëveshje politike
-
Të enjten seanca e radhës, vazhdim i asaj mbajtur tri javë më parë