Realizimi i buxhetit komunal të Prizrenit në tremujorin e parë të këtij viti, sipas këshilltarëve opozitarë, nuk ka qenë i kënaqshëm. Sipas tyre, shpenzimet në të gjitha kategoritë buxhetore kanë qenë më të ulëta në krahasim me periudhën e njëjtë të vitit të kaluar. Këto të dhëna, sipas opozitarëve, janë tregues për mospunën e Ekzekutivit lokal.
Në anën tjetër, zyrtarët komunalë kanë pranuar se realizimi i buxhetit në tremujorin e parë të këtij viti ka qenë më i ulët se në periudhën e njëjtë të vitit të kaluar, por kanë theksuar se në këtë çështje ka ndikuar miratimi me vonesë i buxhetit nga Kuvendi i Kosovës. Zyrtarët e Ekzekutivit besojnë se realizimi i buxhetit do të stabilizohet në tremujorin aktual, shkruan sot Koha Ditore.
Zenel Ahmetaj nga Drejtoria e Financave ka pohuar se buxheti i Komunës së Prizrenit për vitin 2019 është 48 milionë euro dhe se në tremujorin e parë janë shpenzuar 7.7 milionë euro, apo 16 për qind. Ndërsa shpenzimet në tremujorin e parë të vitit 2018 kanë qenë 20 për qind apo 9.2 milionë euro nga buxheti total prej 45 milionë eurove.
(Artikullin e plotë mund ta lexoni sot në “Koha Ditore”)
-
Opozita në Prizren akuzon ekzekutivin për keqmenaxhim financash
-
Prizreni me 5.4 milionë euro suficit, opozita e quan dështim
-
Prizreni për 9 muaj ka shpenzuar vetëm 32 për qind të buxhetit për projekte kapitale
-
Komuna e Prizrenit për 9 muaj ka shpenzuar 37.5% të buxhetit të planifikuar për investime kapitale
-
Prizreni për investime kapitale shpenzon 6 milionë euro më pak nga planifikimi