Oda Ekonomike Amerikane ka shprehur shqetësim të thellë lidhur me vendimin e Ambasadës së SHBA-së për pezullimin e dialogut strategjik me Kosovën.
Sipas Odës, pezullimi i kësaj nisme strategjike përbën një hap prapa për aspiratat ekonomike dhe diplomatike të vendit, dhe është thelbësore që Qeveria e Kosovës të ndryshojë qasjen e saj dhe të angazhohet në koordinim më të ngushtë me SHBA-në dhe partnerët ndërkombëtarë.
“Oda Ekonomike Amerikane mbetet e përkushtuar për avancimin e partneritetit ndërmjet SHBA-së dhe Kosovës dhe u bën thirrje të gjithë aktorëve politikë dhe jopolitikë të veprojnë me përgjegjësi dhe urgjencë për të rikthyer besimin dhe dialogun”, thuhet në deklaratën e Odës.
Sipas organizatës, vetëm përmes bashkëpunimit konstruktiv me aleatët më të besueshëm, Kosova mund të garantojë stabilitet, të debllokojë mundësitë ekonomike dhe të sigurojë mirëqenie afatgjatë për qytetarët.
Reagimet pas pezullimit të dialogut Kosovë-SHBA
-
Njohësit: Pezullimi i dialogut strategjik nga SHBA-ja, paralajmërim serioz për Kosovën
-
GLPS: Pezullimi i dialogut strategjik, rrezik për sigurinë e Kosovës
-
SHBA-ja pezullon dialogun strategjik me Kosovën
-
DASH: Dialogu Strategjik me Kosovën kur të përmbushen kushtet dhe zotimet ndaj serbëve
-
OEAK: Refuzimi i gazit amerikan rrezikon partneritetin me SHBA-në