Guvernatori i Bankës Qendrore të Republikës së Kosovës, Fehmi Mehmeti, ka nënshkruar marrëveshje të bashkëpunimit me Ministrin e Punëve të Brendshme, Ekrem Mustafa, Drejtorin e Policisë së Kosovës, Rashit Qalaj dhe Drejtorin Ekzekutiv të Shoqatës së Bankave të Kosovës, Petrit Balija.
Kjo marrëveshje, siç thuhet në komunikatën e BQK-së, u nënshkrua si rezultat i takimeve të mëhershme të zhvilluara me përfaqësues të këtyre institucioneve, në të cilat u diskutua për shqetësimet rreth dukurisë së plaçkitjes së institucioneve financiare në Kosovë.
Marrëveshja ka për qëllim avancimin e bashkëpunimit për ngritjen e nivelit të sigurisë në sektorin bankar në mënyrë që bankat, personeli i tyre dhe qytetarët të kenë një ambient sa më të sigurt për zhvillimin e aktivitetit të tyre.
Me këtë rast, Guvernatori Mehmeti ka falënderuar institucionet e angazhuara në arritjen e kësaj marrëveshjeje për bashkëpunimin dhe masat e ndërmarra me qëllim të ofrimit të një ambienti më të sigurt për institucionet financiare që operojnë në Kosovë.
-
BQK-ja e gatshme të përkrahë sektorin e sigurimeve në Kosovë
-
Guvernatori i BQK-së takon përfaqësuesit e Bankës Botërore
-
BQK dhe Banka Botërore me projekte të përbashkëta rreth qasjes në financa
-
Këshilli i Investitorëve Evropianë mbështet përpjekjet për rritjen e sigurisë në sektorin bankar
-
Kosova dhe Turqia rritin bashkëpunimin në sektorin bankar