Kompania rajonale e ujësjellësit, “Prishtina”, ka njoftuar të enjten se është ndërprerë furnizimi me ujë në fshatrat dhe dy lagje të Fushë- Kosovës, “028” dhe “029”, për shkak të një defekti teknik në fshatin Promozotin.
Sipas njoftimit në Facebook të kompanisë, ndërprerja ka qenë e nevojshme edhe për nevoja të pastrimit dhe mirëmbajtjes së rezervuarit të ujit në Vragoli.
“Ekipet tona janë duke punuar për sanimin sa më të shpejtë të defektit dhe për përfundimin e pastrimit teknik në mënyrë që furnizimi me ujë të rikthehet në afatin më të shkurtër të mundshëm. Kërkojmë mirëkuptimin tuaj dhe ju falënderojmë për durimin!”, thuhet në njoftim.