Aleatët e NATO-s dhe vendet partnere filluan këtë javë ndihmën ndaj Shqipërisë, që është përballur me përmbytjet më të mëdha të regjistruara ndonjëherë në këtë vend, thuhet në një raport të aleancës së Atlantikut Verior.
"Shqipëria kërkoi asistencë nga Qendra e aleancës për Koordinimin për Përgjigjen ndaj Katastrofave (EADRCC) më 4 dhjetor, pas shirave të rrëmbyer në qendër dhe në jug të vendit. Sipas autoriteteve shqiptare, përmbytjet dëmtuan më shumë se 4 500 ndërtesa, 36 transormatorë energjie dhe dhjetëra rrugë”, thuhet në njoftim.
”Aleatët e NATO-s dhe vendet partnere iu përgjigjën menjëherë kërkesave të palës shqiptare. Bullgaria, Franca, Mali i Zi, Sllovenia, Sllovakia dhe Austria ofruan ndihmën e tyre, përfshirë ekipe shpëtimi, gjeneratorë dhe tenda”, shtohet në të.
”Edhe aleatë të tjerë të NATO-s po marrin në shqyrtim ndihmë shtesë ndaj ditëve të ardhshme”, theksohet në njoftim.
-
Edhe Shqipëria kërkon ndihmë nga NATO për shuarjen e zjarreve
-
NATO ndihmon Malin e Zi në betejën për shuarjen e zjarreve
-
Shqipëria vazhdon të përballet me problemet e vërshimeve
-
Rutte pret Ramën në Bruksel: Shqipëria mund të mbështetet te NATO
-
Rreth 30 familje detyrohen të evakuohen si pasojë e përmbytjeve në Shqipëri