Ministri i Financave, Hekuran Murati, në një konferencë për media pas mbledhjes së Qeverisë, ka thënë se numri i ministrive është rritur sepse siç deklaroi ka pasur raste kur një dikaster ka qenë shumë i gjerë dhe nuk është arritur efikasiteti që e kanë paraparë.
Murati tha në të kaluarën e kanë kritikuar rritjen e numrit të ministrive sepse është bërë për të akomoduar koalicionet e gjera që arriheshin.
“Sa i përket numrit të ministrive, edhe kritika edhe argumenti ka qenë që të mos ketë ministri apo dikastere të cilat bëhen sa për të akomoduar koalicionet e gjera që bëheshin në të kaluarën. Kishte ministri që kishin 7 zv.ministra, 5 zv.ministra, ndoshta jo aq e nevojshme. Në rastin tonë nuk është kjo nevojë që të ketë koalicion të gjerë sepse kemi shumicën e nevojshme. Megjithatë është parë gjatë mandatit të kaluar që nuk është arritur sinergjia e cila ishte synuar. Ka pasur raste kur dikasteri ka qenë shumë i gjerë dhe nuk është arritur efikasiteti i nevojshëm që është synuar qysh në fillim të mandatit. Prandaj është paraparë që të ketë një riorganizim tek Ministria e Punëve të Brendshme me Administratën Publike dhe Digjitalizimi të ketë një ndarje prej bashkimit që ishte bërë më herët”, ka deklaruar Murati.
Nga 15 ministri sa i kishin në të kaluarën, në qeverinë Kurti 3 janë shtuar katër duke u bërë kështu 19 ministri në total.
Murati: Pagën e 13-të do ta marrin vetëm ata që i kanë marrë 12 paga
Ministri i Financave, Hekuran Murati, ka sqaruar se pagën e 13-të do të mund ta marrin vetëm ata të cilët paraprakisht kanë 12 muaj punë.
Edhe
Murati: 3.64 miliardë euro të hyra buxhetore, pjesa tjetër e shpenzimeve mbulohet me kredi
Murati ka deklaruar se ata të cilët kanë më pak se 12 muaj punë, atëherë këtë pagë do të mund ta marrin në vitin e ardhshëm.
“Paga e 13-të vjen për ata që i kanë marrë 12 paga. Pra nëse dikush ka ardhë rishtazi atëherë pagën e 13-të do ta marrë në vitin e ardhshëm. Pagën e 13-të do ta marrin ata që marrin pagë nga buxheti i shtetit por që paraprakisht i kanë mbushur 12 muaj”, ka thënë Murati në një deklarim për media pas mbledhjes së Qeverisë.
