Komisioni për Çështje të Sigurisë dhe Mbrojtjes ka miratuar Projektligjin për dërgimin e Forcës së Sigurisë së Kosovës jashtë vendit.
Fillimisht, komisioni miratoi një për një, 12 amendamente shtesë të projektligjit. Ato për votim i paraqiti, kryesuesi i grupit punues, deputeti i Lëvizjes Vetëvendosje, Enver Dugolli.
Ai tha se ky projektligj me amendamentet plotësuese i plotëson gjitha kriteret.
Por deputeti i PDK-së, anëtar i komisionit, Hisen Berisha shprehu rezerva për disa prej amendamenteve dhe për këtë arsye abstenoi për projektligjin.
“Ky ligj rregullon çështjet një herë e përgjithmonë dhe jo çështje specifike, prandaj duhet të ketë kujdes në formulime”, tha ai.
Anëtarët e tjerë të komisionit u pajtuan me amendamentet./ksp
Artikuj të ngjashëm
-
Kuvendit i rekomandohet miratimi i Projektligjit për dërgimin e FSK-së jashtë vendit
-
Komisioni për siguri miraton Projektligjin që rregullon kalimin transit të forcave të huaja të armatosura
-
Kuvendi vendos pro dërgimit të FSK-së në Gaza
-
Komisioni për Siguri pajtohet për dërgimin e FSK-së në Gaza
-
Komisioni për Çështje të Sigurisë miraton vendimin për dërgimin e FSK-së në Gaza