Miratohet në parim Projektligji për sigurimin e detyrueshëm të kujdesit shëndetësor

Kuvendi i Kosovës ka miratuar në parim Projektligjin për sigurimin e detyrueshëm të kujdesit shëndetësor, bashkë me amandamente. 

Ministri i Shëndetësisë, Arben Vitia, ka thënë se ky projektligj është hapi themelor drejt krijimit të sigurimeve shëndetësore. 

“Ky proces tashmë është i pakthyeshëm. Me këtë listë themelohet fondi i sigurimit të detyrueshëm shëndetësor. Për herë të parë po përcaktohen rregulla për listën për barnat e rimbursueshme. Me këtë projektligj rregullohen edhe çështjet e mbledhjes së kontributeve nga qytetarët për fondin e sigurimeve. Ky është një moment vendimtar për vendin tonë për marrëdhënien qytetar-shtet. Zbatimi i këtij ligji do të jetë një nga sfidat më domethënëse për qeverinë tonë. Me sigurimin e detyrueshëm çdo qytetar do të ketë qasje në shërbimet bazë shëndetësore duke reduktuar ndjeshëm barrën financiare individuale. Me këtë ligj shtohet edhe një burim i qëndrueshëm i rritjes së buxhetit të shëndetësisë publike. Në vend të kostove të papërballueshme për trajtime shëndetësore, sigurimi i detyrueshëm do të ndihmojë krijimin e në një mbrojtjeje financiare për qytetarët dhe do të reduktojë rrezikun e rënies nën pragun e varfërisë për shkak të shpenzimeve shëndetësore”, ka thënë ai.

Deputeti i VV-së, Burim Meta, ka kërkuar që në ligj të përfshihet sigurimi edhe për viktimat e dhunës seksuale gjatë luftë. 

“Projektligji ka përjashtuar viktimat e dhunës seksuale gjate luftës që të lirohen nga pagesa e sigurimit shëndetësor si disa kategori të tjera. Ministër përfshijeni këtë çështje këtu përndryshe do të keni vështirësi ta merrni votën tonë”.

Edhe Arbëri 28 gus 2024 Miratohet projektligji për Sigurimin e Detyrueshëm të Kujdesit Shëndetësor

E, Vitia ka thënë se kjo gjë tashmë është adresuar dhe se Qeveria e ka përgatitur amendamentin. Ai ka theksuar se kjo kategori do të mbulohet nga shteti. 

“Besoj që në Komision midis leximeve do të votohet ky amandament”.