Minatorët: Shteti të inspektojë “Trepçën” e ndërmarrjet e tjera shtetërore

Në Ditën Ndërkombëtare të Punëtorëve, Ibrahim Januzi, kryetar i Sindikatës së Pavarur të Minatorëve të “Trepçës” ka kërkuar nga ministri i Punës Andin Hoti që inspektimet që ka nisur në vendpunishte t’i vazhdojë edhe në ndërmarrjet shtetërore.

“Është mirë që po kontrollohen se shumë punëtorë po vdesin por inspektorët duhet të vijnë edhe në ndërmarrje publike, aty ku është dora e shtetit e ku përballemi me shkelje të të drejtave për çdo ditë”, ka thënë Januzi në emisionin”tre8tre” në KTV.

Ai ka folur për largimet nga puna të minatorëve që bëhen me direktiva nga udhëheqësit e “Trepçës” dhe që sipas tij janë të padrejta.

“Video e dy punëtorëve që kinse bëjnë check-in e largohen nga puna nuk është e vërtetë. Pas lajmërimit në punë ata kanë shkuar me veturë të tyre te vendi i punës që është 30 metra nën tokë. Këta minatorë mbi 40 vjet kanë punuar, kanë qenë krenaria e Kosovës e sot janë larguar si asgjë” ka thënë Januzi.

Hoti, më 13 prill mori vendim për aksion të jashtëzakonshëm të inspektimeve në vendpunishte.

Edhe Arbëri 14 maj 2026 Pas 12 orësh të ngujuar, nxirren minatorët nga miniera

Inspektorati Qendror i Punës po vazhdon inspektimet në sektorët me rrezikshmëri të lartë në territorin e Kosovës. 

Në 48-orëshin e fundit Inspektorati ka realizuar aksione vetëm në sektorin e ndërtimtarisë. 
Sipas raportit, nga gjithsej 32 inspektime, në 14 vendpunishte janë ndaluar punimet dhe katër janë proceduar në Polici. Po ashtu, në 21 vende janë shqiptuar vërejtje.