Ligji ua mundëson bizneseve të sponsorizojnë sportin deri në 30 milionë euro, e këtë ta llogarisin si shpenzim

Pas dy dështimeve, Kuvendi i Kosovës ka miratuar Projektligjin për tatimin në të ardhurat e korporatave, bashkë me amendamentin e propozuar nga deputeti i PDK-së Bekim Haxhiu, i cili mundëson harmonizimin dhe funksionalizimin e Ligjit për sponsorizime.

Nga tash, ky Ligj u jep mundësi bizneseve që ta sponsorizojnë sektorin e sportit dhe për këtë pjesë të shpenzimeve, të mos paguajnë tatim, raporton KTV.

Amendamenti 5, i cili mori 76 vota të deputetëve, ua lejon bizneseve të bëjnë sponzorizime deri në 30 milionë euro, ndërsa amendamenti i cili ishte propozuar nga komisioni e i cili nuk mori përkrahjen e deputetëve, bizneseve ua lejonte sponzorizimin deri në 300 milionë euro.

Por, para se të hidhej në votim projektligji, pati mendime të ndryshme nga deputetët.

Edhe pse u deklarua se do ta përkrahë këtë projektligj përmes votës së tij, deputeti i Vetëvendosjes, Glauk Konjufca, tha se përmes këtij ligji do të ketë hapësirë për shpëlarje të parave.

Edhe Arbëri 27 qer 2019 Seanca nis me diskutime lidhur me Ligjin për Sponsorizime

Ndërsa, partitë e pushtetit dhe partia opozitare PSD, e përkrahën plotësisht amendamentin e deputetit Bekim Haxhiu.

Pas kësaj pike të rendit të ditës, me propozim të deputetes Dude Balje nga Grupi Parlamentar 6+, u miratua edhe Projektligji për mbrojtjen e fëmijëve.