Deputetja e VV-së, Mimoza Kusari-Lila, i është referuar Kushtetutës së Kosovës për afatin për konstituimin e Kuvendit, megjithëse një gjë të tillë Kushtetuta nuk e qartëson tërësisht.
Ajo ka përsëritur se opozita po e bllokon procesin duke votuar kundër kandidates për kryetare të Kuvendit.
“Është e paraparë në Kushtetutë që 30 ditë pas certifikimit të rezultatit zgjedhor është e paraparë që të konstituohet Kuvendi. Ai 30 ditësh është ditë e diel, më 27 prill. Kjo situatë nuk është se mund të shkojë në pafundësi, mund të sjellë në një rrethanë tjetër ku diskutimi i përbashkët me subjekte po afrohet gradualisht një datë tjetër e zgjedhjeve”, ka thënë ajo.
Në neni 66 të Kushtetutës thuhet se "Kuvendi i Kosovës zgjidhet me mandat katërvjeçar, duke filluar nga dita e seancës konstituive, që mbahet brenda tridhjetë (30) ditësh nga dita e shpalljes zyrtare të rezultateve të zgjedhjeve".
Sipas Kusari-Lilës kjo është “një derë për të kërkuar interpretim tjetër mbi afatet”.
“Për këtë procedurë nuk ka aktgjykim të Kushtetuese, por mbase ky mund të jetë hapi i radhës”, është shprehur Kusari-Lila.
Dështon për të gjashtën herë konstitutimi i Kuvendit
-
Si rrjedhin afatet kushtetuese për presidentin pas konstituimit të Kuvendit
-
Konstituimi i legjislaturës së re përtej 7 gushtit, pa pasoja për deputetët
-
Konstituimi i Kuvendit hyn në afat kushtetues, deputetët përballë 30 ditëve vendimtare
-
Kuvendi duhet konstituuar deri më 7 gusht
-
Konstituimi i Kuvendit dhe formimi i qeverisë së re, sot në “60 Minuta” me Mimoza Kusari-Lilën