Politologu Melazim Koci ka thënë se nëse Kuvendi i Kosovës nuk konstituohet deri të nesër atëherë do të shkelet Kushtetuta.
Koci në Speciale në KTV ka thënë se aktgjykimi i Gjykatës Kushtetuese i vitit të kaluar është shumë i qartë dhe thotë se Kuvendi duhet të konstituohet 30 ditë pas certifikimit të rezultateve nga Komisioni Qendror zgjedhor.
Koci thotë se ishte i befasuar që Lëvizja Vetëvendosje nuk e konsitutoi Kuvendin sot, duke marrë parasysh se i ka numrat. Vetëvendosja e vetme me minoritetet mund ta bëjë shumicën në Parlament.
“Nëse deri nesër në ora 24:00 nuk konstituohet Parlamenti, atëherë sipas aktgjykimit të vitit 2025 nuk mbetet asnjë dilemë. Është shkelje kushtetuese, pasi aktgjykimi ishte shumë i qartë, i prerë dhe konciz. Parlamenti duhet të konsiderohet brenda 30 ditëve. Ai afat mbaron nesër jnë ora 24:00”, ka thënë Koci.
Ai ka thënë se nëse nuk konstituohet Kuvendi atëherë pret që [ështja të përfundojë në Gjykatë Kushtetuese dhe aty të bëhet ndonjë dispozitë qartësuese ose të dërgohet vendi automatikisht në zgjedhje. Koci ka thënë se në aktgjykimin e Kushtetueses të vitit 2025 nuk përmendet ndonjë masë në rast se nuk konstituohet Kuvendi.
Speciale: Konstituimi i Kuvendit mbetet pezull, çka pas?
-
Koci: Zgjedhjet e reja vështirë se do të mbahen më 27 dhjetor
-
Koci: Kushtetuta s’i nënshtrohet diktatit të pushtetit e as të politikës
-
Dështon konstituimi i Kuvendit brenda afatit 30 ditësh
-
Miftaraj: Vendi nuk shkon në zgjedhje edhe nëse nuk konstituohet Kuvendi
-
Kuvendi njofton për seancën e nesërme, ky është rendi i ditës