Kryeministri në detyrë, Albin Kurti, ka thënë se përgjegjësia për zgjedhjen e presidentit e tejkalon një parti politike. Ai ka theksuar se secila parti gjendet para përgjegjësisë për formimin e institucioneve të reja.
Kurti e ka mirëpritur caktimin e datës 6 gusht për mbajtjen e seancës konstituive. Ai përmendi takimet me krerët e LDK-së dhe PDK-së për formimin e institucioneve, duke shtuar se “veprimet politike dhe interesi shtetëror duhet të vihen në rend të parë”.
“Partitë politike secila sipas hises që populli i ka dhënë, gjendemi sërish para përgjegjësisë për përmbushjen e detyrave për formimin e institucioneve të reja përfshirë zgjedhjen e presidentit ose presidentes. Kemi dy javë më së shumti deri te fillimi i seancës për konstituimin e Kuvendit, para se të kalojmë te zgjedhja e Qeverisë së re dhe më pas zgjedhja e presidentit ose presidentes. Për legjislaturën e re siç e dimë nevojitet shumica e thjeshtë, ndërsa për presidentin ose presidenten, në dy raundet e para, për shkak të një aktgjykimi të Kushtetueses kërkohet prania e dy të tretave të deputetëve, andaj edhe përgjegjësia për zgjedhjen e tij ose saj e tejkalon një parti politike”, ka deklaruar Kurti.
Haxhiu cakton 6 gushtin si datë për mbajtjen e seancës konstituive
-
Kurti: Koha të sillemi në përputhje me vullnetin qytetar
-
Kurti: Të përfundojë sjellja refuzuese e opozitës
-
Kurti: Shkuarja në zgjedhje s’është opsion, duhet vullnet për zgjidhje e vendime jo të lehta
-
Kurti paralajmëron takime për presidentin, opozita e akuzon për ngërçin politik
-
Kurti: Për presidentin do ta ftoj në takim opozitën, është mirë në sallë të jenë 84-86 deputetë