-
Nga:
Dardane Neziri
- 26 qershor 2019 15:14
- Shpërndaje në:
Komisioni për Legjislacion, gjatë një debati publik rreth Projektkodit të Procedurës Penale dhe Projektligjit për Ekzekutimin e Sanksioneve Penale, ka mirëpritur propozimet e dorëzuara nga institucionet e drejtësisë e të shoqërisë civile.
Gjatë debatit, kryetarja e komisionit, Albulena Haxhiu, ka thënë se pas kritikave të shoqërisë civile rreth Projektkodit të Procedurës Penale, kanë formuar grup punues për shqyrtimin e vërejtjeve, raporton Koha Ditore.
Ka thënë se vërejtjet dhe sugjerimet janë marrë parasysh.
Ndërkohë, zyrtarë nga gjykatat, prokuroria e Oda e Avokatëve të Kosovës janë shtjelluar edhe njëherë shqetësimet e tyre në lidhje me projektkodin. Të njëjtat, ia kanë përcjellë komisionit për shqyrtim, me shkrim.
Sipas tyre, në disa nene ky projektkod bie ndesh me Kushtetutën.
Edhe
Projektkodi i Procedurës Penale nuk miratohet në Komisionin për Legjislacion
Pas shterjes së debatit, kryetarja e komisionit, Haxhiu, ka kërkuar që deri të mërkuren e ardhshme, kushdo që ka vërejtje dhe sugjerime, t`ua përcjellin me shkrim.
Projektkodi i Procedurës Penale dhe Projektligji për Ekzekutimin e Sanksioneve Penale janë duke u shqyrtuar në rrethin e dytë, para hyrjes në fuqi.
