KFOR-i vlerëson të stabilizuar situatën, largon njësitet nga objekti i Komunës së Zveçanit

KFOR-i ka vlerësuar se situata në komunën e Zveçanit është stabilizuar dhe si rezultat ka tërhequr njësitet e veta që qëndronin në objektin komunal.

KFOR-i ka thënë se njësitet e veta do të kryejnë patrullime të rregullat nëpër Zveçan.

“Situata në komunën e Zveçanit është stabilizuar. Si rezultat, njësitet nga Batalioni i Forcave Rezervë Operacionale të misionit KFOR më nuk do të jenë prezentë në ndërtesën e Komunës. Por, do të mbesin në zonë dhe do të kryejnë patrullime të rregullta për të siguruar një ambient të sigurt për të gjithë njerëzit që jetojnë në komunën e Zveçanit”, ka thënë KFOR.

KFOR ka thënë se do të vazhdojë ta implementojë mandatin e saj.

“KFOR-i është reaguesi i tretë i sigurisë, pas Policisë së Kosovës dhe misionit EULEX, me të cilët punojmë në koordinim të ngushtë”, thuhet nga KFOR-i.