Kadeti i FSK-së që u nderua nga Britania thotë se gjithmonë do t’i shërbejë Kosovës

Edhe një tjetër sukses i kadetëve të Forcës së Sigurisë së Kosovës.

Kësaj radhe, oficeri i FSK-së, Xhevahir Hasanaj, ka marrë çmimin kadeti më i mirë i huaj në Akademinë Ushtarake Mbretërore në Sand-hurst të Britanisë së Madhe.

Çmimin ia ka ndarë kryeministrja britanike, Theresa May, raporton KTV.

Xhevahir Hasanaj thotë për KTV-në se ndihet krenar për çmimin e fituar.

Nëntogeri Hasanaj pohon se përvojën njëvjeçare të fituar në këtë akademi do ta sjellë në Kosovë, duke shërbyer në FSK.

Në ceremoninë ushtarake “Parada e Sovranit në Londër”, ka diplomuar edhe kadeti tjetër i FSK-së, Arlind Bajrami. Në këtë ceremoni ka marrë pjesë edhe presidenti Hashim Thaçi.

Edhe Arbëri 13 pri 2017 Oficeri i FSK-së merr çmimin Kadeti më i mirë i huaj në Britani

Ndonëse është tërhequr nga iniciativa e tij për formimin e ushtrisë përmes ligjit, Thaçi ka thënë se Kosova është gati për themelimin e ushtrisë.

Kjo është hera e dytë që një kadet nga Kosova fiton çmimin si më i miri ndërkombëtar në këtë Akademi Ushtarake.

Në vitin 2015, nëntoger Ismail Hoxha pati fituar këtë çmim.