Presidenti i Komisioni Evropian (në largim), Jean-Claude Juncker, ka paralajmëruar se pa zgjidhjen e mosmarrëveshjes mes Kosovës dhe Serbisë, asnjëra palë nuk do të ketë mundësinë të hyjë në Bashkimin Evropian.
“Gjithmonë kam qenë për dialog mes Serbisë dhe Kosovës. Nuk jam i kënaqur pse ai proces nuk po shkon në rrugën e duhur”, ka thënë Juncker në konferencën me gazetarë pas takimit me kryeministrin shqiptar, Edi Rama në Bruksel.
Ai u bëri thirrje Prishtinës dhe Beogradit të kenë më shumë mirëkuptim për pozicionet e palës tjetër, transmeton agjencia serbe e lajmeve “Tanjug”.
“Nëse mosmarrëveshja mes Serbisë dhe Kosovës nuk zgjidhet, asnjëra nuk do të ketë mundësinë për të qenë anëtare e BE-së. Nuk dëshirojmë të sjellim jostabilitet në BE, por dëshirojmë të përcjellim stabilitet në ato shtete apo si i quani ju”, përfundoi Juncker, transmeton Koha.net.
Në po të njëjtën konferencë, Rama tha se “ëndërroj për diçka më të madhe, por ajo s’është Shqipëria e madhe, por Bashkimi i madh Evropian me serbë, maqedonas e shqiptarë në të”.
-
Juncker mbështet arritjen e një marrëveshjeje Kosovë-Serbi
-
Rama e Vuçiqi me ide të përbashkët, anëtarësi të klasit të dytë në BE
-
Rama: Kosova është shtet për ne, por jo për Serbinë – ky është problemi i madh
-
BE: Dialogu e integrimi evropian, procese të pandashme
-
Rama: Kosova e Serbia duhet të merren vesh, s’ka asnjë rrugë tjetër