Jep dorëheqje drejtori i Transformimit në Prishtinë, Ilir Murseli

Ka dhënë dorëheqje drejtori i Transformimit në Komunën e Prishtinës, Ilir Murseli. 

Murseli, sipas burimeve të KOHËS, ka dhënë dorëheqje pasi kryetari Përparim Rama s’i ka përmbushur premtimet që ia ka dhënë në lidhje me drejtorinë që ai ka udhëhequr.

Në vend të tij është emëruar Gëzim Kastrati, që ka qenë i punësuar si arkitekt në kompaninë “Devolli Coperation”. 

Në vendim, Komuna e Prishtinës ka thënë se ka liruar nga detyra Murselin. 

Drejtorinë e Transformimit nuk e njeh si drejtori as MAPL e as MF. Kryetari Rama nuk e ka futur fare në listën e buxhetit për vitin 2025, si rrjedhojë kjo drejtori nuk do të ketë buxhet fare për vitin e ardhshëm, siç nuk ka pasur as në vitin 2024.