Ish-ambasadori i Shqipërisë në OKB, Agim Nesho ka komentuar përplasjen e kryeministrit Edi Rama me ”Zërin e Amerikës” dhe telefonatën me John Bolton, këshilltar për Sigurinë i presidentit Donald Trump. Në emisionin ”360 gradë”, Nesho tha se Elez Biberaj, drejtor i 'Zërit të Amerikës', është disa herë më i besueshëm në Departamentin Amerikan të Shtetit sesa kryeministri Edi Rama apo personalitete të tjera.
”Edhe Biberaj si personalitet përpara Departamentit Amerikan të Shtetit është disa herë më i besueshëm sesa Rama dhe të tjerët. Kur del në Zërin e Amerikës do të thotë që procesi ka nisur të fermentojë, duhet zgjidhje. As që diskutohet (që 'Zëri i Amerikës' nuk gënjen)”, u shpreh ish-ambasadori, transmeton Koha Jonë.
Elez Biberaj është drejtor i Divizionit të Eurazisë në ”Zërin e Amerikës”, duke mbuluar shërbimet në gjuhën shqipe, serbe, boshnjake, maqedonase, greke, ukrainase dhe ruse.
Sa i përket telefonatës Rama-Bolton, Agim Nesho theksoi se ajo është zhvilluar pas vendimit të Tiranës për të njohur Juan Guaido si president të Venezuelës.
-
Biberaj lë drejtimin e VOA-s, e larguan sepse qëndroi jashtë ndikimeve të kampit Trump
-
Biberaj caktohet ushtrues detyre i drejtorit të “Zërit të Amerikës”
-
Edi Rama i reagon Elez Biberajt: Cilësimi "i korruptuar" është akuzë ligjërisht e rëndë e jo opinion
-
Rama bisedon me këshilltarin e Trumpit, temë kyçe çështja Kosovë-Serbi
-
Elez Biberaj: Është e papranueshme politika shqiptare të jetë kaq konfliktuoze