Është inauguruar pika kufitare, Glloboçicë -Jazhincë, me Maqedoninë e Veriut, e cila do të kalohet me vetëm një kontroll.
Kjo është pika e dytë pas asaj të Hanit të Elezit – Bllacë, që u inaugurua në prill.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj Kontribuo“Nga sot qytetarët tanë dhe ata të Republikës së Maqedonisë së Veriut, do t’i nënshtrohen një kontrolli të përbashkët kufitar edhe në pikë kalimin Glloboçicë – Jazhincë”, ka shkruar ministri në detyrë i Punëve të Brendshme, Xhelal Sveçla.
Në inaugurimin e kësaj pike ka marr pjesë edhe zëvendëskryeministri i parë i Republikës së Maqedonisë së Veriut Izet Mexhiti dhe ministrin e Brendshëm Pançe Toshkovski.
“Edhe kjo pikë e përbashkët kufitare do të funksionojë sipas parimit të kontrollit ‘hyrje – hyrje’, ashtu siç po funksionon suksesshëm ajo në Han të Elezit, të cilën e inauguruam me 12 prill të këtij viti bashkë me Kryeministrat Albin Kurti dhe Hristijan Mickoski”, ka shkruar Sveçla.
Sipas tij ky hap është i rëndësishmë për qytetarët dhe është dëshmi “mbi bashkëpunimin e suksesshëm që gëzojnë shtetet tona dhe ministritë tona të brendshme”.
“Mbi vlerat më të mira do të vazhdojmë punën e përbashkët që ndikon edhe në ngritjen e sigurisë për vendet tona dhe për mbarë rajonin tonë”, ka shkruar Sveçla.