Zëvendëskryeministri i Kosovës, Enver Hoxhaj ka reaguar ndaj deklaratave të zyrtarëve të Serbisë se ushtria e Kosovës është kërcënim për rajonin, duke pohuar se “kërcënim është ushtria e Serbisë, që operon me armë ruse, e nën doktrina anti-perëndimore”.
President i Serbisë, Aleksandar Vuçiq, tha sot se shndërrimi i FSK-së në ushtri, përbën kërcënim për paqen dhe stabilitetin në rajon.
“Serbia mbetet kërcënim për rajonin duke ndërhyrë si zgjatje e Rusisë në secilin prej shteteve të Ballkanit. FSK-ja, forca multietnike e trajnuar nga NATO-ja, nuk është kërcënim. Kërcënim është ushtria e Serbisë që operon me armë ruse e nën doktrina anti-perëndimore”, ka shkruar Hoxhaj në Twitter.
Artikuj të ngjashëm
-
Hoxhaj i quan kërcënuese mesazhet e Mojsilloviqit, e pyet nëse duan ta sfidojnë NATO-n
-
“Mbështetja e Rusisë për Serbinë kërcënim për rajonin”
-
Hoxhaj: Serbia po vazhdon propagandën agresive ndaj Kosovës
-
Kë e frikëson Ushtria e Kosovës?
-
Maqedonci: Qytetarët të ndihen të sigurt, FSK-ja çdo ditë e më e fortë