Ish-zëvendësministri i Punëve të Brendshme, Gazmend Hoxha, ka thënë se kërkesat e Njësitit elitar të Policisë së Kosovës janë brenda mundësive buxhetore.
Të mërkurën në “60 Minuta” të KTV-së, Hoxha ka deklaruar se ky problem zgjidhet vetëm me dialog midis përfaqësuesve të protestuesve dhe ministrit të Brendshëm.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj Kontribuo“Kanë zgjedhur një moment që t’i adresojnë brengat e tyre të merituara. Tashmë në Policinë e Kosovës ka avancim edhe në grada edhe në shkollim, para kësaj pakënaqësie është bërë një analizë e mundësive buxhetore. Kërkesa është brenda mundësive buxhetore, por edhe nëse nuk është e mundur 100 për qind kërkesa të këtyre operatorëve të Njësisë Speciale, natyrisht që do të duhej një dialog i sinqertë, të ulur në tavolinë – ministri i Punëve të Brendshme me përfaqësues qoftë të sindikatës apo të grupit që po shpreh pakënaqësinë dhe në qoftë se është e pamundur, ata duhet të binden se këto janë pengesat dhe mundësitë”, ka thënë ai.
Sipas Hoxhës, stafi i presidentes Vjosa Osmani u kamufluan me përgjigje qesharake kur u deklaruan rreth mungesës së njësitit në darkën e Lamës.
“Mungesa e njësitit që sot shprehu pakënaqësi, në darkën e Lamës te presidentja, ishte evidente dhe këshilltarët apo rrethi i presidentes dolën me deklaratë qesharake, duke thënë se disa ishin në darkë e disa të tjerëve ua dërguam darkën në vendet e punës, e kamufluan një përgjigje qesharake. Ky ishte joseriozitet, duhet të tregohet e vërteta”, ka thënë ai.
Hoxha ka vlerësuar se pamjet e së mërkurës në protestë të Njësisë Speciale të PK-së janë të rënda, pasi po ndodhin në kohën kur ata ballafaqohen me grupe terroriste nga Serbia.
“Është pamje e rëndë kur njësitë speciale të Policisë protestojnë në kohën kur çdo mëngjes presin të ballafaqohen me grupe terroriste nga një shtet që botërisht dihet se po i sponsorizon këto akte terroriste brenda territorit të Kosovës”, ka theksuar ai.