Nënkryetari i Lidhjes Demokratike të Kosovës, Lutfi Haziri, i ka reaguar kryetarit të Lëvizjes Vetëvendosje, Albin Kurti, pasi ky i fundit të premten tha se oferta për bashkëqeverisje me LDK-në “nuk është pak”.
Haziri e ka quajtur kontroverse LVV-në duke thënë se deklaratat e Kurtit bien ndesh. Ai ka theksuar se LDK-ja i qëndron pas deklarimit për votimin e një presidenti konsensual.
“Se sa është kontraverse situata brenda VV-së pasqyrohet nga deklaratat e kryetarit të saj. Deri dje tha se ‘po lypin shumë e nuk ju jap’, ndërsa sot tha se ‘po ju ofroj shumë e janë tërheq’. LDK ka dal dje nga procesi i bashkëpunimit si ofertë drejt shkaktimit të proceseve politike. Ne e mbajmë fjalën për President konsensual, por konstituimi i Kuvendit është hapi kryesor për me pasë President dhe Qeveri”, ka shkruar ai në Facebook.
Haziri ka shtuar se hapi i parë është konstituimi i Kuvendit.
“Ka me ju dal tymi herët a vonë atyre që LDK ju largohet nga bashkëpunimi. Kthehu prapa dhe e gjeni vetën shpejtë. Ne e kemi paguar çmimin tonë. Kemi përballu procese edhe më të rënda se kjo”.
Kurti: Dëshirojmë të merremi vesh për një president konsensual
Kryeministri në detyrë, Albin Kurti, ka përsëritur qëndrimin e Lëvizjes Vetëvendosje se presidenti i ardhshëm i...-
Kurti mirëpret qëndrimin e Abdixhikut, fton PDK-në e Aleancën për president konsensual
-
Kurti: Dëshirojmë të merremi vesh për një president konsensual
-
Abdixhiku pas takimit me Kurtin: Jemi shumë, shumë larg marrëveshjes eventuale
-
Haziri: Nëse ka vullnet nga LVV-ja, LDK-ja i përmbyll për 24 orë të gjitha çështjet parimore
-
Haziri paralajmëron rikthim të menjëhershëm të bisedimeve me VV-në