Ambasadori britanik në Kosovë, Jonathan Hargreaves, ka theksuar se dënimet ndaj ish-krerëve të UÇK-së nga Gjykata Speciale janë individuale, dhe se në asnjë mënyrë nuk e gjykojnë shtetësinë e Kosovës e as sovranitetin.
Ai ka thënë se Mbretëria e Bashkuar do të vazhdojë ta mbrojë fuqishëm Kosovën në të ardhmen.
“Dënimet e fundit kanë të bëjnë me krime individuale të kryera ndaj viktimave nga komunitete të ndryshme. Ato në asnjë mënyrë nuk përbëjnë gjykim mbi shtetësinë, sovranitetin apo të drejtën e Kosovës për të përcaktuar të ardhmen e saj, të cilën Mbretëria e Bashkuar do të vazhdojë ta mbrojë fuqishëm. Personat e dënuar kanë të drejtë të apelojnë aktgjykimet e tyre”, ka theksuar ai.
Teksa ka kujtuar hyrjen e trupave britanike në Kosovë në qershor 1999, Hargreaves ka përmendur krijimin e Dhomave të Specializuara duke e cilësuar si vendim të vështirë që pati marrë Kosova.
“Kosova mori vendimin e vështirë për të themeluar dhe mbështetur Dhomat e Specializuara, duke e ditur se ato mund të hetonin disa nga figurat më të njohura të organizimeve që ishin në qendër të luftës së saj për çlirim. Kosova mund të jetë krenare për gatishmërinë e saj të vazhdueshme për të mbështetur parimin se askush nuk është mbi ligjin. Ky është një shembull i rëndësishëm për të gjithë rajonin”.
Ambasadori shtoi se Mbretëria e Bashkuar mbetet fuqishëm e përkushtuar ndaj së vërtetës për Ballkanin Perëndimor dhe pajtimit të qëndrueshëm, duke ritheksuar se Britania është krenare për rolin e saj në Kosovë në vitin 1999.
“Në qershor të vitit 1999, trupat britanike kaluan kufirin këtu, në Han të Elezit, si pjesë e misionit të NATO-s, të autorizuar nga Rezoluta 1244 e Këshillit të Sigurimit të Kombeve të Bashkuara, me qëllim ndalimin e spastrimit etnik dhe dhunës ndaj popullsisë civile në Kosovë. Politikat katastrofike të Slobodan Millosheviqit çuan në krime lufte dhe represion të dokumentuar gjerësisht në Kosovë. Qindra mijëra shqiptarë etnikë u detyruan të largoheshin nga Kosova ose u zhvendosën brenda vendit. Këshilli i Sigurimit i Kombeve të Bashkuara, përfshirë Rusinë, shprehu vazhdimisht shqetësimin e thellë për gjendjen e rëndë humanitare. Millosheviqi refuzoi të gjitha përpjekjet për arritjen e paqes, duke çuar në fushatën ajrore të NATO-s në vitin 1999 dhe ndërhyrjen e NATO-s në Kosovë”, ka shkruar ai në Facebook.
Bajqinovci kritikon zyrtarët e PDK-së: Gjuha e tyre ndaj SHBA-së e Britanisë, e dëmshme
Deputeti i Vetëvendosjes, Mefail Bajqinovci, ka reaguar ndaj deklaratave të Partisë Demokratike të Kosovës lidhur me një shkrim të ambasadorit britanik në Kosovë për Gjykatën Speciale.
Bajqinovci ka thënë se PDK-ja po përdor gjuhë që dëmton marrëdhëniet me SHBA-në dhe Britaninë e Madhe, ndërsa e ka quajtur të papërgjegjshme.
“Gjuha e papërgjegjshme e zyrtarëve të lartë të PDK-se ndaj SHBA-së dhe Britanisë së Madhe është e rrezikshme dhe e dëmshme. Kosova duhet t’i ruajë dhe t’i forcojë marrëdhëniet me aleatët e saj strategjikë. Kritikat mund të bëhen, por gjuha që dëmton raportet me partnerët tanë duhet të shmanget”, ka shkruar Bajqinovci.
Ambasadori britanik në Kosovë, Jonathan Hargreaves, të martën deklaroi se dënimet ndaj ish-krerëve të UÇK-së nga Gjykata Speciale janë individuale, dhe se në asnjë mënyrë nuk e gjykojnë shtetësinë e Kosovës e as sovranitetin.
“Dënimet e fundit kanë të bëjnë me krime individuale të kryera ndaj viktimave nga komunitete të ndryshme. Ato në asnjë mënyrë nuk përbëjnë gjykim mbi shtetësinë, sovranitetin apo të drejtën e Kosovës për të përcaktuar të ardhmen e saj, të cilën Mbretëria e Bashkuar do të vazhdojë ta mbrojë fuqishëm. Personat e dënuar kanë të drejtë të apelojnë aktgjykimet e tyre”, ka theksuar ai.
E, Partia Demokratike e Kosovës më vonë i reagoi ambasadorit Hargreaves duke thënë se deklarimi i tij për aktgjykimin "është një reduktim i papranueshëm diplomatik i një vendimi me pasoja të gjera historike e politike për të kaluarën, të tashmen dhe të ardhmen e Kosovës".
"Në arsyetimin e Dhomave të Specializuara, UÇK trajtohet në kuadër të konceptit të ‘ndërmarrjes së përbashkët kriminale’, ndërsa Hashim Thaçi, Kadri Veseli, Jakup Krasniqi dhe Rexhep Selimi, sipas konstatimeve të aktgjykimit, janë shpallur përgjegjës për kontributin e tyre në të ashtuquajturin qëllim të përbashkët kriminal të UÇK-së”, thuhet në reagimin e PDK-së.
PDK-ja i reagon ambasadorit britanik: Mos e relativizoni me gjuhë diplomatike aktgjykimin e Hagës
Partia Demokratike e Kosovës i ka reaguar ambasadorit britanik në Kosovë, Jonathan Hargreaves, i cili në një postim në Facebook tha se aktgjykimi në Hagë ndaj ish-krerëve të Ushtrisë Çlirimtare të Kosovës ka të bëjë me krime individuale.
“Deklarata e Ambasadorit britanik në Kosovë, Jonathan Hargreaves se aktgjykimi në Hagë ndaj ish-krerëve të UÇK-së dhe themeluesve të Republikës së Kosovës ka të bëjë me ‘krime individuale’ është një reduktim i papranueshëm diplomatik i një vendimi me pasoja të gjera historike e politike për të kaluarën, të tashmen dhe të ardhmen e Kosovës. Në arsyetimin e Dhomave të Specializuara, UÇK trajtohet në kuadër të konceptit të ‘ndërmarrjes së përbashkët kriminale’, ndërsa Hashim Thaçi, Kadri Veseli, Jakup Krasniqi dhe Rexhep Selimi, sipas konstatimeve të aktgjykimit, janë shpallur përgjegjës për kontributin e tyre në të ashtuquajturin qëllim të përbashkët kriminal të UÇK-së”, thuhet në reagimin e PDK-së.
PDK-ja ka thënë se asnjë gjuhë diplomatike s’mnd ta ndryshojë përmbajtjen e papranueshme të aktgjykimit të Speciales.
“Prandaj, të thuash se bëhet fjalë për ‘krime individuale’ nuk e pasqyron peshën e dëmshme të këtij verdikti për Kosovën. Asnjë gjuhë diplomatike nuk mund ta ndryshojë përmbajtjen e papranueshme të këtij aktgjykimi dhe as pasojat e tij në mënyrën se si interpretohet lufta e UÇK-së dhe historia e Kosovës. Drejtësia ndërkombëtare, fatkeqësisht, sot në Kosovë po perceptohet vetëm si instrument politik për të përcaktuar se cilat figura politike të Kosovës duhet të largohen nga skena politike dhe cilat duhet të mbështeten, sepse Dhomat e Specializuara janë bërë shembulli më i dukshëm i abuzimit politik në emër të drejtësisë”, thuhet në reagim.
Ambasadori britanik Jonathan Hargreaves në postimin në Facebook të martën tha se dënimet e fundit të Speciales kanë të bëjnë me krimet individuale të kryera ndaj viktimave nga komunitete të ndryshme.
“Ato në asnjë mënyrë nuk përbëjnë gjykim mbi shtetësinë, sovranitetin apo të drejtën e Kosovës për të përcaktuar të ardhmen e saj, të cilën Mbretëria e Bashkuar do të vazhdojë ta mbrojë fuqishëm. Personat e dënuar kanë të drejtë të apelojnë aktgjykimet e tyre”, ka theksuar ai.
Më 16 shtator Gjykata Speciale dënoi me 25 vjet burgim Hashim Thaçin e Jakup Krasniqin për krime lufte. Kadri Veseli u dënua me 18 vjet burgim e Rexhep Selimi me 13.