Kryetari i Aleancës për Ardhmërinë e Kosovës (AAK), Ramush Haradinaj, ka deklaruar se mbrëmë është përmbysur autokrati Albin Kurti, duke shtuar se tani vendimmarrja i takon sovranit.
Në një shkrim në Facebook të mërkurën, një ditë pasi vendi shkoi në zgjedhje, Haradinaj ka thënë se në zhvillimet e fundit “ka fituar Kushtetuta dhe ligji përballë populistit Albin Kurti”, duke theksuar se është dëshmuar rezistenca e opinionit publik dhe faktorëve politikë për të mos lejuar, sipas tij, shkatërrimin e rendit politik dhe kushtetues të vendit.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj Kontribuo“Ka fituar koncepti se nuk ka individ e as parti që mund ta rrezikojë ekzistencën e shtetit”, ka shkruar Haradinaj, ndërsa shtoi se Kosova ka humbur gjashtë vjet nën këtë qeverisje, por se “prej sot nis një etapë e re për shtetin”.
Haradinaj theksoi se është përmbysur, siç e quajti ai, “koncepti i partisë-shtet”, duke akuzuar se një individ ka tentuar të përqendrojë pushtetin.
“Tash fjalën e ka sovrani, i cili mban mend e nuk falë. Vendimmarrja i është kthyer atij”, deklaroi ai.
Në fund, Haradinaj ka thënë se AAK-ja ka qenë bashkëpunuese dhe e angazhuar për tejkalimin e krizës politike, ndërsa kritikoi kundërshtarët për, sipas tij, fokusim të tepruar në pushtet.
“Për Kosovën deri në frymën e fundit!”, shkroi ai.