Fabrika “Grasep” me bazë në fshatin Sllatinë e Epërme të Komunës së Vitisë, e cila prodhon produkte ushqimore si reçelra, turshi dhe ajvar, punëson 13 gra dhe pjesëtarë të tjerë si kontabilist e teknolog.
Valbona Ajeti nga kjo fabrikë, i ka bërë të ditura të martën në emisionin “Sot” në KTV, detajet e nisjes së punës së fabrikës në vitin 2015, duke thënë se fillimisht gratë kanë filluar të prodhojnë në kushte shtëpie.
Ajeti ka thënë se produktet e tyre janë pa pesticide dhe të pasterizuara.
“Sot kemi bërë një fabrikë për Kosovë, e cila është e certifikuar me standarde dhe ka edhe eksport. Fillimi nuk ka qenë i lehtë, sepse fillimisht është dashur me qenë receta e njëjtë për 200 tjegulla, nuk kemi pasur teknologë, por ia kemi dalë. Produktet tona janë pa pesticide, natyrale dhe i pasterizojmë që të qëndrojnë më gjatë”, ka thënë Ajeti e cila ka shtuar se bashkëpunojnë edhe me fermerë të fshatrave përreth për prodhimet e tyre.
Ajeti ka treguar po ashtu se tashmë po bëjnë edhe eksport në tri prej shteteve kryesore evropiane: Zvicër, Gjermani dhe Austri.
VIDEO:
